प्रवेशिका परीक्षामा सुदूरपश्चिमबाट ७२ हजार भन्दा बढी विद्यार्थी सहभागी हुने

Posted on: May 01, 2016 | views: 178

पप्पु गुरुङ्, १५ चैत्र / कञ्चनपुर । यस बर्षको एसएलसी प्रवेशिका परीक्षामा सुदूरपश्चिम बाट ७२ हजार भन्दा बढी विद्यार्थी सहभागी हुने भएका छन् । चैत्र १८ गते सुरु हुने परीक्षामा सुदूरपश्चिमका ७२ हजार २ सय ८८ विद्यार्थी सहभागी हुने क्षेत्रीय शिक्षा निर्देशनालय राजपुर डोटीले जनाएको छ । साधारण तर्फ ९ सय ५७ र प्राबिधिक तर्फ १४ गरी ९ सय ७१ विद्यालय परीक्षामा सहभागि हुनेछन् । गत वर्षका १ सय ९४ र यस वर्ष थप भएका ७ गरी सुदूरपश्चिम भरि यस वर्ष २ सय १ केन्द्रमा परीक्षा सञ्चालन गरिन लागेको क्षेत्रीय शिक्षा निर्देशनालय राजपुर डोटीका शाखा अधिकृत पुर्णबहादुर शाहले बताउनु भएको छ ।